Dean Martin.
„Þetta er ekkert nýtt fyrir mig, ég er búinn að vera með þessum hóp síðasta eina og hálfa árið. Þetta er búin að vera erfið vika hjá okkur," sagði Dean Martin sem var í hlutverki aðalþjálfara í dag hjá ÍA í leiknum gegn Stjörnunni. Hann var aðstoðarmaður Jóns Þórs Haukssonar sem var látinn fara síðasta mánudag. Lárus Orri Sigurðsson var ráðinn þjálfari liðsins í gær en kom ekki að leiknum í kvöld.
Lestu um leikinn: ÍA 0 - 3 Stjarnan
„Mér fannst við óheppnir að jafna ekki leikinn strax í byrjun seinni hálfleiks, misstum af tækifærinu að koma okkur strax aftur inn í leikinn."
„Það hefði auðvitað breytt leiknum, mörk breyta leikjum. Við náum því miður ekki að skora í dag."
Hvað þarf að breytast hjá ÍA?
„Það er bara að halda áfram og reyna koma boltanum yfir línuna hjá andstæðingnum. Mörk breyta leikjum, við vitum það allir. Við erum að fá alltof mörg mörk á okkur og því miður erum við ekki að skora, ef við höldum því áfram verða örlögin erfið."
En verður Deano áfram í þjálfarateymi Lárusar?
„Ég klára í dag, svo sest ég niður og sé hvað framtíðin býður upp á."
Ómar Björn Stefánsson var tekinn af velli í seinni hálfleik og þótti einhvejrum það sérstök ákvörðun. Deano segir að hann hafi viljað fá inn ferska fætur.
Athugasemdir
