Franska stórveldið Paris Saint-Germain hefur engan áhuga á að selja kantmanninn eftirsótta Bradley Barcola þrátt fyrir mikla samkeppni um byrjunarliðssæti.
Barcola er í harðri baráttu við Khvicha Kvaratskhelia, Ousmane Dembélé og Désiré Doué um sæti á köntunum hjá PSG. Það hefur vakið áhuga margra stórliða, en PSG neitar að selja.
Arsenal og FC Bayern eru í leit að kantmanni og hafa verið sterklega orðuð við Barcola, en fá ekki að kaupa hann. PSG lítur á leikmanninn sem ósnertanlegan.
Barcola, sem verður 23 ára í september, er með þrjú ár eftir af samningi sínum við PSG. Hann kom að 40 mörkum í 58 leikjum á síðustu leiktíð.
Athugasemdir
