Siggi í Grafarvoginum í kvöld.
„Töff leikur, erfiðar aðstæður, svolítið laus völlurinn. Rosalega stutt í einhver mistök þegar menn voru að renna. Ég var ánægður með að Fjölnisliðið reyndi að spila, en það var bara erfitt fyrir þá að reyna að komast í gegnum okkur. Við refsuðum þeim illilega og sérstaklega í seinni hálfleik", sagði Sigurður Heiðar Höskuldsson þjálfari Þórs eftir flottan útisigur sinna manna 5-0 á móti Fjölni.
Leikurinn sjálfur var algjör einstefna af hálfu gestanna og Fjölnismenn sáu aldrei til sólar. Lokatölur 5-0 gefa hárrétta mynd af leiknum hér í Grafarvoginum.
Leikurinn sjálfur var algjör einstefna af hálfu gestanna og Fjölnismenn sáu aldrei til sólar. Lokatölur 5-0 gefa hárrétta mynd af leiknum hér í Grafarvoginum.
Lestu um leikinn: Fjölnir 0 - 5 Þór
Leikir Þórs í sumar hafa boðið upp á mörk bæði skoruð og fengin á sig. En með því að halda hreinu í þessum leik þá er liðið að tengja saman tvo leiki í röð án þess að fá á sig mark.
„Tveir sigurleikir í röð án þess að fá á okkur mark og lítið af færum. Ég held að Fjölnir hafi ekki fengið eitt einasta færi. Þetta var eitthvað sem við þurftum að taka til í, mér hefur fundist varnarleikurinn góður í sumar en öll færin hjá andstæðingunum hafa verið mörk. Núna kom ekkert færi og engin mörk, þannig að ég er sáttur."
„Já,já hann er mikið slasaður. Þetta var glórulaus tækling og bara með ólíkindum að hann hafi ekki farið út af með rautt spjald sem tæklaði hann", bætti Siggi við um glórulausa tæklingu Óskar Dags Jónassonar á 17. mínútu leiks þegar hann henti sér í skriðtæklingu aftan frá og stórslasaði Vilhelm Ottósson sem gat ekki gengið sjálfur af velli.
Siggi Höskulds vildi þó ekki tjá sig um dómgæsluna almennt en Gunnar Már þjálfari Fjölnis var ítrekið að missa sig á hliðarlínunni í leiknum vegna hennar.
Viðtalið má sjá í heild sinni í spilaranum hér að ofan.
Athugasemdir
