„Bara ótrúlega svekkjandi. Mér fannst við eiga meira skilið úr þessum leik,“ sagði Hörður, þjálfari Hauka, eftir tap gegn KR í kvöld.
Lestu um leikinn: Haukar 2 - 3 KR
Staðan var 1-1 í hálfleik en KR-ingar skoruðu tvö mörk snemma í seinni. „Mér fannst við vera miklu betri í fyrri hálfleik svo mætum við bara sofandi til leiks í byrjun seinni og KR eru betri í fimmtán tuttug, svo komum við til baka og vorum mjög góðar eftir það. Áttum slæman kafla þarna í byrjun seinni.“
„Við fórum illa með færin okkar, við klúðruðum dauða dauða færum í þessum leik og gáfum þeim tvö mörk eftir uppspil.“
„Ég er samt sem áður ánægður með mitt lið, mér fannst þetta góð frammistaða heilt yfir. Mér fannst við vera betri aðilinn heilt yfir í leiknum og sýndum mikið hugrekki allann leikinn. “
Haukar eiga leik gegn Keflavík í næstu umferð. Hvernig leggst það í Hörð og hans hóp? „Bara vel. Bara mjög vel. Við höldum áfram. Við erum að spila vel við erum að eiga góðar frammistöður. Við erum bara búin að eiga tvær slæmar frammistöður í sumar. Stigin eru ekki að detta með okkur en við vitum að ef við höldum áfram að sýna svona frammistöður koma stigin með. “
Viðtalið við Hörð má sjá í heild sinni í spilaranum hér fyrir ofan.
