KÁ tók á móti KH í toppslag deildarinnar þar sem sjö mörk litu dagsins ljós í fyrri hálfleiknum. Bjarki Sigurjónsson skoraði þrennu í ótrúlegum fyrri hálfleik en staðan var 4-3 þegar flautað var til leikhlés.

Nikola Dejan Djuric komst einnig á blað í liði heimamanna og jók hann forystu KÁ í síðari hálfleik þegar hann skoraði fimmta mark liðsins. Staðan var þá orðin 5-3 og hélst þannig allt þar til í uppbótartíma, þegar KH þurfti að sækja á fleiri mönnum í tilraun til að minnka muninn.

Gestunum tókst ekki að skora en var þess í stað refsað grimmilega af heimamönnum sem skoruðu tvö mörk á lokamínútunum til að innsigla 7-3 stórsigur. Bjarki endaði á að skora fernu í leiknum á meðan Nikola setti tvennu.

KÁ fer uppfyrir KH með þessum sigri og trónir nú á toppi deildarinnar með 20 stig eftir 8 umferðir, einu stigi meira heldur en KH. Þetta var fyrsti tapleikur KH á tímabilinu og er KÁ því eina liðið í deildinni sem er enn ósigrað.

Hafnir lyftu sér þá uppúr fallsæti með stórsigri gegn KFS, þar sem Ísak John Ævarsson setti þrennu og urðu lokatölur 6-3. Hafnir eru með 6 stig eftir 8 umferðir, fjórum stigum minna heldur en KFS.

Elliði fer upp í þriðja sæti með 3-2 sigri gegn botnliði Hamars. Elliði er þar einu stigi fyrir ofan Árborg og Vængi Júpíters sem gerðu 2-2 jafntefli í dag.

KÁ 7 - 3 KH
1-0 Bjarki Sigurjónsson ('13 )
1-1 Haukur Ásberg Hilmarsson ('20 , Mark úr víti)
1-2 Sigfús Kjalar Árnason ('23 )
2-2 Bjarki Sigurjónsson ('26 )
2-3 Sturla Ármannsson ('38 )
3-3 Bjarki Sigurjónsson ('39 )
4-3 Nikola Dejan Djuric ('44 )
5-3 Nikola Dejan Djuric ('66 )
6-3 Bjarki Sigurjónsson ('90 )
7-3 Brynjar Bjarkason ('94 )

Hafnir 6 - 3 KFS
1-0 Ísak John Ævarsson ('4 )
2-0 Ísak John Ævarsson ('45 )
2-1 Hallgrímur Þórðarson ('47 )
3-1 Anton Freyr Hauks Guðlaugsson ('54 )
3-2 Þórður Örn Gunnarsson ('66 )
3-3 Eyþór Daði Kjartansson ('75 )
4-3 Bessi Jóhannsson ('79 )
5-3 Ísak John Ævarsson ('81 )
6-3 Bergsveinn Andri Halldórsson ('88 )

Árborg 2 - 2 Vængir Júpiters
1-0 Aron Freyr Margeirsson ('12 )
1-1 Aron Heimisson ('45 )
1-2 Jónas Breki Svavarsson ('48 , Mark úr víti)
2-2 Adam Örn Sveinbjörnsson ('90 )

Elliði 3 - 2 Hamar
0-1 Rodrigo Leonel Depetris ('23 )
1-1 Þröstur Sæmundsson ('76 )
2-1 Jóhann Andri Kristjánsson ('83 )
2-2 Tomas Adrian Alassia ('88 )
3-2 Pétur Óskarsson ('90 )
Rautt spjald: Guðmundur Árni Jónsson , Elliði ('90)